腸道早餐①：＜1分鐘就準備好＞ 温室青瓜＋金山寺味噌

由於我去咗外國幾日、而且又喺度寫緊另一篇長文、所以好耐都無發文、被人投訴了。

我唯有以極速、將我嘅「早餐前嘅嘢食」（唔係抄某天王的金句）、公開出來啦。

天氣唔凍嘅時候、我會食用温室青瓜配合少量嘅日本味噌。

 

1 一早起身就食新鮮蔬菜

 

我而家毎日都好早起身、大約 4:00左右 就會起床開始工作或者寫文。

喺呢個時候、我會先飲兩杯清水、然後就用１分鐘時間、整呢個「腸道早餐」。

材料非常簡單、就係１條温室青瓜、加上１匙的日本味噌（即係麵豉）。
 

2 如何制作？真係１分鐘完成？

 

 

3 點解係温室青瓜？

 

 
青瓜嘅成份裏面、有95%以上係水分、其實就好似飲水咁。

生菜也有差不多的纖維比例、但係青瓜無論喺「清洗」同埋「可儲存時間」方面都有優勢。

雖然青瓜無海藻類咁多嘅水溶性纖維(0.9g/100g)、
不溶性纖維又無堅果類咁多(1.1g/100g)、
但係作為「早餐前食品」、佢起到「温和地滋潤腸道」嘅作用。

同時、喺早餐前先食青瓜、
不溶性繊維可以幇助 填充胃部、減少過食、
水溶性繊維又可以 延長飽肚感。

這篇文章可以幇你認識 膳食纖維：

至於選擇温室青瓜而唔係凹凹凸凸嘅普通青瓜、
純粹係 口感比較軟、味道比較清淡。
用普通嘅青瓜嚟代替都可以嘅。
 

4 點解係用金山寺味噌？

 

 
我選擇嘅味噌、喺各間日式超級市場有售。

同普通用嚟煮「麵豉湯」嘅唔同、我選擇嘅係無咁咸嘅、
屬於 用嚟直接食用 嘅味噌（なめ味噌）。

我比較喜歡呢款「金山寺味噌」。
 

 
佢裏面有 大豆同昆布 一齊發酵、口感同營養都比較好。

而我老婆就比較鐘意呢款「白味噌」。
 

 
普通用嚟煮「味噌湯」嘅都唔係話唔得、但 鹽份（鈉）比較高、
唔適合 高血壓 同埋 水腫人仕、同埋比較會 令人口乾。

味噌係使用麴菌、大豆、鹽等 天然原料發酵 而成、酵素豐富。

除咗可以 促進消化、幇助増加腸道 益菌優勢、
仲可以有 消除疲勞、促進 腦部新陳代謝 嘅效果。
 

在 Instagram 查看這則貼文

味噌味道比較! 左起: 金山寺味噌、白味噌、高麗郷のおなめ 我自己最喜歡的是高麗郷のおなめ。 最近好難買到温室青瓜和なめ味噌。 係唔係你地買晒。 https://homediet.com.hk/my-food-before-breakfast/ ================================= 味噌味比べ! 左から: 金山寺味噌、白味噌、高麗郷のおなめ 個人的には高麗郷のおなめがイチバン好き。 最近はおいしいキュウリとなめ味噌が入手困難。 誰だ、買い占めてるヤツは! https://homediet.com.hk/my-food-before-breakfast/ 。 。 。 。 。 。 。 。 。 。 #キュウリ #青瓜 #なめみそ #なめ味噌 #金山寺味噌 #白味噌 #高麗郷のおなめ

Man Chung Wah（@manchungwah）分享的貼文 於 PST 2019 年 1月 月 19 日 下午 7:03 張貼

之前這篇文章有更多嘅「麴食品」可以参考。

至於天氣凍嘅時候、我就會飲「味噌湯加海藻」、等遲啲凍啲再介紹吧。
 
 

つづく